მსოფლიოს უხუცესი მორაგბე, რომელსაც თამაში მეუღლემ დააწყებინა
72 წლის ჯონ გოლდმენი მსოფლიოში ყველაზე ასაკოვანი მორაგბეა. ის უკვე 20 წელია, სპორტის ამ სახეობითაა გატაცებული. ამ დროის განმავლობაში გოლდმენმა კიბო დაამარცხა, გადაიტანა თირკმლის, ხერხემლის და გულის ოპერაციები. მიუხედავად ამისა, ასაკოვანი სპორტსმენი ყოველ შაბათს ლონდონურ კლუბში თამაშობს. თავის 58 და 53 წლის თანაგუნდელებთან ერთად, გუნდის ღირსებას წინა ხაზზე იცავს. ჯონმა მას შემდეგ დაიწყო თამაში, რაც 50 წლის ასაკში მეუღლემ შესთავაზა, ტელევიზორში ყურების ნაცვლად, რაგბი თავად ეთამაშა.