ორი ლამაზმანის დაპირისპირება კორტზე - მარია შარაპოვამ ანა ივანოვიჩს სძლია - პალიტრა ვიდეო

27 აპრილს შტუტგარტში, WTA-ს ტურნირზე რუსმა ჩოგბურთელმა მარია შარაპოვამ გამარჯვება მოიპოვა. ფინალში შარაპოვამ სერბი ანა ივანოვიჩი ანგარიშით 3:6, 6:4, 6:1 დაამარცხა. მატჩი სულ ორი საათი და სამი წუთი მიმდინარეობდა. შარაპოვასთვის ეს გამარჯვება საიუბილეო აღმოჩნდა, მან 30-ე ტიტული მოიგო კარიერაში. აღსანიშნავია, რომ შარაპოვამ შტუტგარტის ტურნირი ზედიზედ მესამედ მოიგო. 2012 წელს მან აზარენკა დაამარცხა ფინალში, ხოლო 2013-ში - ლი ნა.