ლეგენდარული ფეხბურთელი ალფრედო დი სტეფანო 88 წლის ასაკში გარდაიცვალა - პალიტრა ვიდეო

მადრიდის "რეალის" ლეგენდარული ფეხბურთელი ალფრედო დი სტეფანო მადრიდის ერთ-ერთ საავადმყოფოში 7 ივლისს 88 წლის ასაკში გარდაიცვალა. დი სტეფანოს გულის ინფარქტი გასულ კვირას დაემართა და დღემდე კომაში იყო.

არგენტინელი ფეხბურთელი "რეალში" 11 წლის განმავლობაში თამაშობდა, ხოლო შემდეგ სამეფო კლუბს წვრთნიდა. დი სტეფანო ორი "ოქროს ბურთის" მფლობელია. ბოლო დროს მას "რეალის" საპატიო პრეზიდენტის თანამდებობა ეკავა.