საქართველოს ნაკრების გოლები მოლდოვას კარში - პალიტრა ვიდეო

საქართველოს ეროვნულმა საფეხბურთო ნაკრებმა მსოფლიო ჩემპიონატის შესარჩევი ეტაპის მეექვსე მატჩში, სტუმრად, მოლდოვასთან ფრედ ანგარიშით 2:2 ითამაშა.
მატჩის პირველი ტაიმი ქართველმა ფეხბურთელებმა 0:2 დათმეს, თუმცა შემდეგ შეძლეს თამაშის შემობრუნება. მატჩში ანგარიში მე-15 წუთზე გინსარმა გახსნა, მეორე გოლი 36-ე წუთზე დედოვმა გაიტანა. ამის შემდეგ 66-ე წუთზე გოლი გიორგი მერებაშვილმა გაიტანა, უკანასკნელი გოლი კი 70-ე წუთზე ვაკო ყაზაიშვილის დარტყმის შემდეგ გავიდა.
საქართველოს ნაკრები 3 ქულით ჯგუფში ბოლოსწინა ადგილზეა. შემდეგ შეხვედრაში 2 ოქტომბერს საქართველო თბილისში ირლანდიას დაუპირისპირდება.