X
ყველაზე ემოციური ბოლო წუთები - საქართველოს კალათბურთელთა ეროვნული ნაკრების ბრწყინვალე გამარჯვება
21:57 / 24-08-2017
საქართველოს კალათბურთელთა ეროვნულმა ნაკრებმა ათენში მიმდინარე "აკროპოლისის თასზე" მეორე შეხვედრა სერბეთის ნაკრებთან ჩაატარა და 68:66 გაიმარჯვა.

პირველი მეოთხედი სერბების უპირატესობით წარიმართა და მათი ხუთქულიანი უპირატესობით დასრულდა (20:15), თუმცა მეორე მეოთხედი ქართველმა კალათბურთელებმა უკეთესად ჩაატარეს, დიდ შესვენებაზე ანგარიში გათანაბრდა და 36:36 გახდა.

შესვენების შემდეგ კვლავ სერბები გავიდნენ წინ 5-ქულიანი უპირატესობით.

ბოლო მეოთხედი დაძაბულად წარიმართა, გადამწყვეტი კი ბოლო წამებზე, როდესაც ანგარიში თანაბარი იყო, დუდა სანაძის 3-ქულიანი აღმოჩდა, რის შემდეგაც სერბებმა მხოლოდ ერთი საჯარიმო ჩააგდეს.

ზაზა ფაჩულიას გარეშე მოთამაშე საქართველოს ნაკრებში ყველაზე შედეგიანი თორნიკე შენგელია იყო 21 ქულით, 13 მოხსნითა და 3 პასით. 10 ქულითა და 2 მოხსნით დაეხმარა გუნდს დუდა სანაძე. გიორგი ცინცაძემ 9 ქულა, 1 მოხსნა და 5 პასი მიითვალა. 8 ქულა, 4 მოხსნა და 1 პასია გიორგი შერმადინის ანგარიშზე, ხოლო მაიკლ დიქსონის - 8 ქულა, 1 მოხსნა და 2 პასი.

შეგახსენებთ, რომ ოთხთა ტურნირის სასტარტო შეხვედრაში საქართველოს ნაკრებმა მასპინძელი საბერძნეთი ანგარიშით 72:71 დაამარცხა, ბოლო მატჩს კი 25 აგვისტოს იტალიასთან ჩაატარებს.
ბოლო სიახლეები
Autoplay
პოპულარული
ტრამპის ვარცხნილობის საიდუმლოს ფარდა აეხადა
გავრცელდა კადრები, სადაც ჩანს, რა საშინელ კატასტროფას გადაურჩა თვითმფრინავი, რომელიც ზღვიდან 10 მეტრში ავარიულად დაეშვა.
"ფეისბუქი" უკვე ისეა შესული ჩვენს ყოველდღიურობაში
ქაღალდის ინდუსტრიაც ნელნელა გაქრება
"ჭირს წაუღია ფულიც და სხვა ყველაფერი" - ცნობილი წამყვანი დავით სოკოლოვი ხანდაზმულთა ჰოსპისში ცხოვრობს