ტრაგედია საფეხბურთო მატჩზე - 25 წლის ფეხბურთელი მოულოდნელად მოედანზე გარდაიცვალა
ხორვატიაში ჩემპიონატის მესამე დივიზიონის მატჩი ტრაგედიით დასრულდა. 25 წლის ბრუნო ბობანი მოედანზე გარდაიცვალა. შეხვედრის მე-15 წუთზე ფეხბურთელს ბურთი გულმკერდის არეში მოხვდა, ამის შემდეგ რამდენიმე წამში ის მოედანზე დაეცა. სპორტსმენს პირველადი დახმარება ადგილზევე აღმოუჩინეს და საავადმყოფოში მალევე გადაიყვანეს, თუმცა, მისი გადარჩენა ვერ მოხერხდა. რა გახდა ახალგაზრდა ფეხბურთელის გარდაცვალების გამომწვევი მიზეზი, ექსპერტიზის შემდეგ გახდება ცნობილი.