13:17 - საქართველოს მორაგბეთა ნაკრებმა ერთა თასი ბელგიის ძლევით დაიწყო
2 თებერვალს საქართველოს მორაგბეთა ნაკრებმა ევროპის ერთა თასის 2013 წლის გათამაშების პირველი მატჩი სტუმრად ბელგიის ეროვნულ გუნდთან გამართა.
ბრიუსელში გამართულ შეხვედრაში ანგარიშის გახსნა სტუმრებმა შეძლეს და 7:0 დაწინაურდნენ, რასაც მერაბ კვირიკაშვილმა მალევე ზუსტი საჯარიმოთი უპასუხა - 7:3.
მეორე ტაიმის განახლებისთანავე მასპინძლებმა ანგარიშში ათი ქულით დაწინაურება შეძლეს - 13:3.
ამან გამოაფხიზლა მილტონ ჰეიგის შეგირდები, რომლებმაც დიდი ძალებით შეუტიეს მეტოქეს და ზედიზედ რამდენიმე ეპიზოდში მამუკა გორგოძის ბრწყინვალე თამაშის ხარჯზე სხვაობის შემცირება შეძლეს. გორგოძის ლელოს "მეკომ" ზუსტი გარდასახვა მიუმატა - 13:10.
საქართველოს ნაკრებმა ანგარიშში წინ გასვლა ლევან ჩილაჩავას ლელოს შემდეგ შეძლო. კვირიკაშვილმა არცთუ სახარბიელო პოზიციისა და ძლიერი ქარის მიუხედავად გარდასახვა ზუსტად შეასრულა - 13:17.
ერთა თასზე მომდევნო მატჩს "ბორჯღალოსნები" 9 თებერვალს თბილისში, მიხეილ მესხის სახელობის სტადიონზე, პორტუგალიელებთან გამართავენ.
იხილეთ: ქართველმა რაგბისტებმა ბელგიელებს ხელჩართულ ჩხუბშიც სძლიეს
იხილეთ თამაშის ვიდეო სრულად: sportall.ge-ზე
ბრიუსელში გამართულ შეხვედრაში ანგარიშის გახსნა სტუმრებმა შეძლეს და 7:0 დაწინაურდნენ, რასაც მერაბ კვირიკაშვილმა მალევე ზუსტი საჯარიმოთი უპასუხა - 7:3.
მეორე ტაიმის განახლებისთანავე მასპინძლებმა ანგარიშში ათი ქულით დაწინაურება შეძლეს - 13:3.
ამან გამოაფხიზლა მილტონ ჰეიგის შეგირდები, რომლებმაც დიდი ძალებით შეუტიეს მეტოქეს და ზედიზედ რამდენიმე ეპიზოდში მამუკა გორგოძის ბრწყინვალე თამაშის ხარჯზე სხვაობის შემცირება შეძლეს. გორგოძის ლელოს "მეკომ" ზუსტი გარდასახვა მიუმატა - 13:10.
საქართველოს ნაკრებმა ანგარიშში წინ გასვლა ლევან ჩილაჩავას ლელოს შემდეგ შეძლო. კვირიკაშვილმა არცთუ სახარბიელო პოზიციისა და ძლიერი ქარის მიუხედავად გარდასახვა ზუსტად შეასრულა - 13:17.
ერთა თასზე მომდევნო მატჩს "ბორჯღალოსნები" 9 თებერვალს თბილისში, მიხეილ მესხის სახელობის სტადიონზე, პორტუგალიელებთან გამართავენ.
იხილეთ: ქართველმა რაგბისტებმა ბელგიელებს ხელჩართულ ჩხუბშიც სძლიეს
იხილეთ თამაშის ვიდეო სრულად: sportall.ge-ზე