რატომ გვეხვევა თავბრუ ფეხზე სწრაფად ადგომისას? - პალიტრა ვიდეო

რატომ გვეხვევა თავბრუ ფეხზე სწრაფად ადგომისას? ექსპერტები ამ მოვლენას ორთოსტატიკურ ჰიპოტენზიას უწოდებენ და განმარტავენ, რომ ადამიანთა უმეტესობა ამ მოვლენას საკუთარ თავზე ერთხელ მაინც განიცდის, ძირითად შემთხვევებში კი, ის სრულიად უვნებელია.

როგორც ცნობილია, ფეხზე სწრაფად ადგომისას თავბრუსხვევა გამოწვეულია სისხლის ნაკადის დროებით შემცირებით, რომელიც ტვინს ამარაგებს. როდესაც დგებით, გრავიტაცია სისხლის ნაკადს ქვემოთ, კიდურებისკენ ექაჩება. ეს გულსა და სისხლძარღვებს აიძულებს, უფრო ინტენსიურად იმუშაონ, რათა ტვინს საკმარისი რაოდენობის სისხლი მიეწოდოს.

ყველაზე ხშირად მსგავს თავბრუსხვევას დაბალი არტერიული წნევის მქონე ადამიანები განიცდიან.



ავტორი: სალომე აბულაშვილი