სოფელი, სადაც ორსულ ქალებს მშობიარობის უფლება არ აქვთ - რა არის ამის მიზეზი? - პალიტრა ვიდეო

განაში, ერთ-ერთ სოფელში ორსულ ქალებს მშობიარობის უფლება არ აქვთ. მამფე დოვეში მცხოვრები არცერთი ადამიანი სოფელში არ დაბადებულა. მშობიარობა აქ ტაბუდადებული თემაა და მიიჩნევენ, რომ თუ სოფელში ვინმე ბავშვს გააჩენს, ღმერთები განრისხდებიან.

ორსულები მშობიარობის დაწყებისას სოფლიდან სასწრაფოდ გაჰყავთ. ძლიერი ტკივილის მიუხედავად, ისინი ხშირად რთულ პირობებში მგზავრობენ. სოფლის ლიდერები ამტკიცებენ, რომ ძველი ტრადიციის დაცვა აუცილებელია.

რეგიონის სხვა სოფლებმა აკრძალვა გააუქმეს, თუმცა მამფე დოვეს წინამძღოლები მზად არ არიან, "ღმერთების ნების წინააღმდეგ წავიდნენ".