X
20 წლის გოგონა, რომელმაც საკუთარი ჩვილი სახლის ეზოში დამარხა, შვილის მკვლელობაში უდანაშაულოდ ცნეს - მისი პირველი ემოცია და უამრავი აღშფოთებული ამერიკელი
13:32 / 16-09-2019
ყოფილი "ჩირლიდერი", რომელმაც საკუთარი ჩვილი ბავშვი სახლის ეზოში დამარხა, შვილის მკვლელობაში უდანაშაულოდ ცნეს. პროკურორი 20 წლის ბრუკ სქაილარ რიჩარდსონს ახალდაბადებული ჩვილის მკვლელობაშიც სდებდა ბრალს, თუმცა ცინცინატის სასამართლომ მათი მოთხოვნა არ დააკმაყოფილა. 

რიჩარდსონის ადვოკატების თქმით, ბავშვი, სახელად ანაბელი, მკვდრადშობილი იყო, რის გამოც შეშინებულმა გოგონამ მისი დამარხვა გადაწყვიტა. ჩვილის ცხედარი მშობიარობიდან ორი თვის შემდეგ იპოვეს. 

ნაფიც მსაჯულებს ვიდეოც აჩვენეს, რომელიც რიჩარდსონის დაკავების შემდეგ, პოლიციის განყოფილებაში ჩაწერეს. კადრებში 20 წლის გოგონა ამბობს, რომ ბავშვი შეიძლება მოძრაობდა და ხმებს გამოსცემდა. თუმცა, მისი დაცვის მხარის თქმით, ეს განცხადება რიჩარდსონმა პოლიციის მხრიდან შესაძლო ზეწოლის შემდეგ გააკეთა. 

ფსიქოლოგი სტიუარტ ბასმანი აღნიშნავს, რომ რიჩარდსონი მოწყვლადი პიროვნებაა, რომელიც ავტორიტეტებს ემორჩილება, რის გამოც მისი განცხადება შეიძლებოდა ზეწოლის შედეგი ყოფილიყო.

მიუხედავად იმისა, რომ ბრუკ სქაილარ რიჩარდსონი უდანაშაულოდ ცნეს, ის შესაძლოა, ცხედრისთვის ზიანი მიყენების ბრალდებით დააკავონ, მაგრამ რადგან ეს მისი პირველი დანაშაულია, დიდი ალბათობით, გოგონას პირობით მსჯავრს მიუსჯიან.

მომხდარს "სოციალურ ქსელებში" უამრავი ადამიანი გამოეხმურა. მათი თქმით, სასამართლომ ეს გადაწყვეტილება მხოლოდ იმიტომ მიიღო, რომ გოგონა "თეთრკანიანი და მდიდარია". 



ბოლო სიახლეები
Autoplay
პოპულარული
სამწუხაროდ, კუნძულზე ვირუსი სწრაფად ვრცელდება - რა ვითარებაშია გიორგი ლორია
მეცნიერებმა კორონავირუსის ორგანიზმში შეჭრის კიდევ ერთი გზა დაადგინეს
არის თუ არა უსაფრთხო სასეირნოდ გასვლა? - იმუნოლოგ ბიძინა კულუმბეგოვის პასუხი 
პანდემია შეიძლება დასრულდეს მაის-ივნისში, თუმცა... - ამირან გამყრელიძე
კორონავირუსით ინფიცირებული ექიმის მიმართვა, რომელმაც იტალია შეძრა - "არ არსებობს სიტყვები, რომლებიც აღწერს, რა გამოსცადა ჩემმა სხეულმა, სულმა და გონებამ" [ქართული ტიტრებით]
"პირბადეები გაიკეთეთ, რა, მე კორონადან გამოვედი" - ექიმი ჟურნალისტებს
საშიშია თუ არა კორონავირუსი მათთვის, ვისაც გლანდები აქვს ამოჭრილი?
"იანვარში მქონდა ეს ვირუსი" -  კომენტარი, რომელსაც სოციალურ ქსელში დიდი გამოხმაურება მოჰყვა