რუსული ტელეკომპანიის კორესპონდენტი ნოდარ მელაძე პირდაპირი ჩართვით ზურაბ ჟვანიას სიკვდილზე - პალიტრა ვიდეო

რამდენიმე დღის წინ ჟურნალისტმა ნოდარ მელაძემ "იმედიდან" წასვლის შესახებ განცხადება გაავრცელა. განცხადებაში, რომელიც ტელეწამყვანმა "ფეისბუქის" გვერდზე განათავსა, მან მადლობა გადაუხადა მაყურებელს და გუნდს, რომელიც მასთან ერთად "იმედის" 9 სატელევიზიო სეზონის განმავლობაში მუშაობდა. ტელეწამყვანმა წარმატება უსურვა "ქრონიკის" ახალ გუნდს.

"მე სხვა არაფრის კეთება არ ვიცი, მე ვარ ჟურნალისტი და იმედი მაქვს, რომ ისევ შევძლებ გითხრათ - "გამარჯობა, ეს არის მთავარი დღეს!" - წერს ჟურნალისტი მიმართვაში.

26 ოქტომბერს "ქრონიკისა" და გადაცემა "100 გრადუსი ცელსიუსით" წამყვანი რუსული ტელეკომპანია "Дождь"-ის ეთერში გამოჩნდა. პირდაპირი ჩართვით თბილისიდან, ნოდარ მელაძემ ზურაბ ჟვანიას სიკვდილის იმ ვერსიაზე ისაუბრა, რომელიც დაღუპული პრემიერ-მინისტრის ძმამ, ტელეკომპანია "მაესტროს" ეთერში გააჟღერა.