ნიუ იორკში ულამაზესი საშობაო ნაძვის ხე აანთეს - პალიტრა ვიდეო

ნიუ იორკში ყველაზე ცნობილი ნაძვის ხის ანთების შემდეგ საშობაო სეზონი ოფიციალურად გაიხსნა. 25-მეტრიანი ნორვეგიული ნაძვი 10 ტონას იწონის. როკფელერის ნაძვის ხის ანთება ტრადიციად 1933 წლიდან იქცა. წლევანდელი ხე ზომით ყველაზე დიდი არაა. ეს პატივი 1999 წელს დადგმულ 31-მეტრიან ნაძვს ეკუთვნის.

ხე 30 ათასი პატარა ნათურით არის დაფარული და სვაროვსკის ვარსკვლავი ამშვენებს. ცერემონიას ბევრი მუსიკოსი და ცნობილი პირი დაესწრო. მათ შორის იყო როკლეგენდა როდ სტიურტი, რომელმაც საშობაო მელოდიები შეასრულა.