94 წლის იაპონელმა მამაკაცმა პოლიტიკაში წასვლა გადაწყვიტა
94 წლის იაპონელმა რიოკიჩი კაუშიმამ პოლიტიკაში წასვლა სწორედ იმ ასაკში გადაწყვიტა, როცა მისი აზრით, ადამიანები ხმაურიანი და დაძაბული ცხოვრებისგან დასვენებას ამჯობინებენ. კაუშიმამ იაპონიის პარლამენტის ქვედა პალატის არჩევნებში საკუთარი კანდიდატურა კანდიდატების წარდგენის ვადის ამოწურვამდე სამი საათით ადრე წარადგინა. საარჩევნო კამპანიის წარმოსაწყებად კი მან საკუთარი დაკრძალვის ხარჯებისთვის გადანახული თანხა - 3 მილიონი იენი გაიღო.