პოლიციელი, რომელიც საგზაო მოძრაობას ცეკვით არეგულირებს
როდ აილენდის შტატის ქალაქ პროვიდენსში პოლიციის ოფიცერი ტონი ლეპორე ისეთივე ტრადიციული საახალწლო ატრიბუტია, როგორც, მაგალითად, ნაძვის ხე ან საშობაო საჩუქრები. საახალწლო სეზონის დადგომასთან ერთად, ქუჩაში ყველასთვის ცნობილი მოცეკვავე პოლიციელი გამოვიდა. ტონი ლეპორე 1984 წლიდან მოყოლებული, ყოველ საშობაო სეზონზე ასე უჩვეულოდ - სალსას და დისკოს ილეთებით არეგულირებს გადატვირთულ საგზაო მოძრაობას.