"ჩასაცმელი" ბალიში, რომლითაც ნებისმიერ ადგილას დაიძინებთ
ისინი, ვისაც დასაძინებლად დრო და სივრცე არ ჰყოფნით, ამ უჩვეულო გამოგონების წყალობით ნებისმიერ დროს და ადგილას შეძლებენ დაძინებას. "სირაქლემა-ბალიში" (ostrich pillow) ოფისში, გზაში ან თუნდაც ქუჩაში, შესვენების და ენერგიის აღდგენის სწრაფი საშუალებაა. ალი განჯავიანი, რომელიც ბალიშის ერთ-ერთი დიზაინერია, ამბობს, რომ ის ბევრ ადამიანს გამოადგება - დაწყებული სტუდენტებით, რომლებიც ღამეებს ათევენ ბიბლიოთეკებში, იმ ადამიანებით დამთავრებული, ვინც დიდ დროს ატარებს მოგზაურობაში.