ნახევარტონიანმა ზღვის სპილომ რიო დე ჟანეიროს ქუჩებში "გაისეირნა" - პალიტრა ვიდეო

ბრაზილიაში, რიო დე ჟანეიროს ერთ-ერთ ყველაზე ცნობილ გამზირ Avenida Atlântica-ზე საავტომობილო მოძრაობა თითქმის ორი საათით გაჩერდა. ამის მიზეზი გზაზე გადასული უზარმაზარი ზღვის სპილო გახდა. 3 მეტრის სიგრძის, ნახევარტონიანი ძუძუმწოვარი ოკეანიდან პირდაპირ გზაზე გადავიდა და მანქანებს გადაადგილების საშუალებას არ აძლევდა.

პოლიციელები და მეხანძრეები ცხოველს წყალს ასხამდნენ, გარშემო შეკრებილი უამრავი ტურისტი კი იშვიათ სანახაობას ხალისით აკვირდებოდა. საათნახევრიანი "გასეირნების" შემდეგ ცხოველი ოკეანეში შესაბამისმა სამსახურებმა დააბრუნეს.