"ცისფერობით ევროპაში ვერ შევალთ" - ორი დემონსტრაცია ჰომოფობიასთან ბრძოლის დღეს
17 მაისს, ჰომოფობიის წინააღმდეგ ბრძოლის დღეს, ლგბტ აქტივისტების მიერ დაგეგმილი აქცია-ფლეშმობი არ შედგა. 50-მდე აქტივისტს, რუსთაველის გამზირზე დაგეგმილი აქციის ჩატარების საშუალება ათი ათასობით დემონსტრანტმა არ მისცა, რომლებიც სასულიერო პირების თაოსნობით დილით ფილარმონიასთან შეიკრიბნენ და მსვლელობით გაემართნენ პარლამენტის შენობისკენ, სადაც აქცია-ფლეშმობი იყო დაგეგმილი. ორივე დემონსტრაციის მონაწილეებს საკუთარი არგუმენტები აქვთ: ერთი მხარე დისკრიმინაციას გმობს, მეორე მხარე ეროვნული ღირებულებების დაცვაზე საუბრობს.