სმარტფონებისთვის "ტრუსები" შექმნეს - პალიტრა ვიდეო

სმარტფონებისთვის უამრავი დამცავი შალითა გამოიგონეს, თუმცა იაპონელებმა ინოვაციით ყველას აჯობეს - მათ სმარტფონებისთვის სპეციალური ტრუსები შექმნეს.

სმარტფონებისთვის განკუთვნილ ტრუსებს pantsu ჰქვია. ის დაზიანებისგან ტელეფონის ქვედა ნაწილს იცავს. პიკანტური აქსესუარის მწარმოებელმა გადაწყვიტა ბაზრისთვის დიდი არჩევანი შეეთავაზებინა - მსურველებს სმარტფონის ფერადი, ყვავილებიანი და მულტიპლიკაციური გმირებით გაფორმებული ტრუსების ყიდვა შეუძლიათ. აქსესუარის ფასი 2 დოლარია.

"თუ არ გსურთ, თქვენი სმარტფონი საზოგადოებაში "გააშიშვლოთ", უყიდეთ მას საცვლები. თქვენ ხომ გიყვართ თქვენი ტელეფონი და არ გსურთ, მან პიროვნული ღირსების გრძნობა დაკარგოს" - ასეთია საცვლების სარეკლამო დევიზი.

საინფორმაციო პორტალი ამბები.გე