ცანცარა და სერიოზული ნაგაზის ლეკვები თბილისის ზოოპარკიდან
თბილისის ზოოპარკის "ფეისბუქის" გვერდზე უსაყვარლესი კავკასიური ნაგაზის ლეკვების ვიდეო გავრცელდა: "დღეს ჩვენი ბურთულები უნდა გაგაცნოთ, კავკასიური ნაგაზის ლეკვები. ისეთი მსუქნები არიან, ძლივს დაატარებენ გატიკინებულ მუცლებს. წესიერად ვერც კი დარბიან, ხან მარჯვნივ გადაქანდებიან, ხან - მარცხნივ. ბოლოს ისევ ხვანცალაკუდგამობმული ტაკოები გადასწონით ხოლმე, რბილად დაებერტყებიან უკანალზე და იყურებიან გაოცებულები, ეს რა დაგვემართაო", - ასეთი აღწერა ერთვის თან ვიდეოს.