ჟურნალისტი, რომელმაც საზოგადოებას უგო ჩავესის სიკვდილი ამცნო, სცემეს - პალიტრა ვიდეო

საინფორმაციო არხ RCN-ის ჟურნალისტი და ოპერატორი მაშინ სცემეს, როდესაც ჟურნალისტი ტელემაყურებლებს უგო ჩავესის სიკვდილის შესახებ აუწყებდა. კორესპონდენტი იმ საავადმყოფოსთან იდგა, სადაც ვენესუელის პრეზიდენტი იმყოფებოდა და პირდაპირ ეთერში ჩაერთო, რათა ქვეყნის პირველი პირის გარდაცვალების შესახებ ეუწყებინა.

RCN-ის ოპერატორმა ვიდეოკამერით დააფიქსირა, როგორ დაესია რამდენიმე ადამიანი ჟურნალისტ გოგონას და მას ძლიერად ჩაარტყეს თავში. დასისხლიანებულმა ჟურნალისტმა დახმარებისთვის სამართალდამცველებს მიმართა, მაგრამ ისინი ამ ყველაფერს გულგრილად შეხვდნენ. მხოლოდ რამდენიმე წუთის შემდეგ დაზარალებულებისკენ მოხალისეები გაემართნენ, რათა მისთვის პირველადი დახმარება აღმოეჩინათ.

ვენესუელის პრეზიდენტი უგო ჩავესი 58 წლის ასაკში გუშინ, 5 მარტს გარდაიცვალა. იგი უკანასკნელი ორი წელი ებრძოდა ონკოლოგიურ დაავადებას.