საბავშვო ევროვიზიის გამარჯვებული უკრაინელი ანასტასია პეტრიკი გახდა - პალიტრა ვიდეო

რიგით მეათე საბავშვო ევროფესტივალის გამარჯვებული უკრაინის წარმომადგენელი ანასტასია პეტრიკი გახდა, მან საკონკურსო სიმღერით "Nebo" 138 ქულა დააგროვა. მეორე ადგილზე საქართველოს წარმომადგენელი ჯგუფი The FUNKIDS - 103 ქულით გავიდა, ხოლო მესამე ადგილზე სომხეთის წარმომადგენელი ჯგუფი Compass – 98 ქულით.

2012 წლის საბავშვო ევროვიზიის სიმღერის კონკურსში 12 ქვეყანა მონაწილეობდა. ღონისძიება ამსტერდამში "ჰეინეკენის მიუზიკ ჰოლში" გაიმართა.
საბავშვო ევროფესტივალს კიმ-ლიენი და ევოუთი უძღვებოდნენ.

საქართველო საბავშვო ევროფესტივალის გამარჯვებული ორჯერ გახდა და წელს კონკურსში მეექვსედ მონაწილეობდა.

მეათე საბავშვო ევროვიზიის სიმღერის კონკურსის პირდაპირი ტრანსლაცია "საზოგადოებრივმა მაუწყებელმა" განახორციელა.


იხილეთ:

საბავშვო ევროვიზიაზე საქართველომ მეორე ადგილი დაიკავა