არია ძმების შესრულებით, რომელმაც ბრიტანული "ნიჭიერის" მაყურებელი აღაფრთოვანა
ბრიტანეთში "ნიჭიერის" შესარჩევი ტურები მიმდინარეობს. ჟიურის წინაშე ძმები - 22 წლის რიჩარდი და 19 წლის ადამ ჯონსონები წარსდგნენ. ახალგაზრდების თქმით, მათი ოცნება სცენაზე დგომა და კლასიკური სიმღერების შესრულებაა. ჟიურის წევრები, ტრადიციისამებრ, მათ თავიდან სკეპტიკური განწყობით შეხვდნენ, თუმცა, როდესაც ძმებმა ბროდვეის მიუზიკლიდან Man of La Mancha სიმღერა The Impossible Dream შეასრულეს, ყველას განწყობა რადიკალურად შეიცვალა და ბიჭებმა ხანგრძლივი ოვაციები დაიმსახურეს.