გარდაბანში მომხდარი ავარიის შედეგად დაშავებული კიდევ ერთი ახალგაზრდა კლინიკაში გარდაიცვალა - ავტოსაგზაო შემთხვევას, ჯამში, 8 ადამიანი ემსხვერპლა - პალიტრა ვიდეო

გარდაბანში მომხდარი ავტოსაგზაო შემთხვევის შედეგად დაშავებული ახალგაზრდა გარდაიცვალა. ამის შესახებ „ინტერპრესნიუსს“ რუსთავის ცენტრალური საავადმყოფოს დირექტორმა, პაპუნა ბახტაძემ განუცხადა.

“ჩაუტარდა ქირურგიული ჩარევა, ოპერაცია, შესაბამისი პროცედურები გაგრძელდა ტრავმატოლოგიაში. ოპერაციების დასრულების შემდგომ, საღამოს გარდაიცვალა“, - განაცხადა პაპუნა ბახტაძემ.

გარდაბანში მომხდარ ავტოსაგზაო შემთხვევას აღნიშნული პირის გარდა, კიდევ შვიდი ადამიანის სიცოცხლე ემსხვერპლა. ჯამში, გარდაცვლილია 8 ახალგაზრდა.

დიდი სიჩქარით მოძრავი BMW-ის მარკის ავტომობილი ხეს შეეჯახა.

როგორც „ინტერპრესნიუსს“ შინაგან საქმეთა სამინისტროში განუცხადეს, მომხდართან დაკავშირებით გამოძიება 276-ე მუხლის მე-8 ნაწილით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც გამოიწვია ადამიანის სიცოცხლის მოსპობა.

ასევე იხილეთ: ვრცელდება სათვალთვალო კამერით გადაღებული საზარელი ავარიის კადრები - შემთხვევას 7 ახალგაზრდა ემსხვერპლა

"ახალგაზრდები დაბადების დღის სუფრიდან ბრუნდებოდნენ, როცა სავარაუდოდ დიდი სიჩქარით მიმავლამა ავტომობილის მძღოლმა საჭე ვერ დაიმორჩილა, ხეს შეეჯახა და აფეთქდა"